|
|
Текст песни "Trenu, Trenu" |
 Nòcc de febraar cunt' el veent che paar un ràtt,
El teemo l'é cumè un vècc che tira adrèe i
Sciavàtt,
Trènu trènu che te moevet la cùa,
Porta chi che spèci e pö turna a cà tua
Trènu senza nòmm, befana senza scùa
La Madòna del frècc la passa söi banchètt,
Ogni pàdron de la sua umbrìa pizza e smòrza
I sigarètt,
Zzìnghera, zzìnghera, te doo un desmìla e vaànn
Stasira voeri mea che te legget la mia man
Trénu fantasma te spèci de trii ann
Sun che a parlà insèma a una cler,
Bèvi per sculdàss e se tìri cumè un fèrr,
Innaanz e indree in sö la cràpa del demòni,
Cunt el cieel che spüda i stèll e sciüscia i lamponi
E spèci un trènu che l'è mai partii,
Sö sti binari che i henn mai finii
Te me vedareet in tücc i staziòn
A specià quel trènu senza sö nissoen
Tuut tuut... in sö quel trènu gh'eri tütt
E adèss voo in giir cui angeli a pee biùtt,
De quaand che'l trènu l'è naa via
Sun diventaa una galerìa
Gh'è una roesa de plastica in mèzz a la rüdèra,
La fàcia de vedru de una guardia de fruntiera,
Rutàmm, rutàmm che me fii cumpagnia
Adèss ve foo vedè la sua futugrafia
Trènu senza coer me l'eet purtàda via
Sun che a parlà...
|
|
Switch to English 