Bläck Fööss
"Thekenturnverein"


Mir trainiere für die Zick, die noch schwer em Dunkele litt.
He em Trainingslager op d`r Eck
halde mir uns fit,
bes et widder Arbeit jit.
Jeder jit wat hä hätt, jeder deit wat hä kann.
Mih künne mer nit (mih) dun,
jetz es de Rejierung draan.


Wemmer en Bewerbung schriev, es Fitness für dä janze Liev
vun jrößtem Interesse söns kanns de`t jlich verjesse
nix jeiht üvver de Jelenkigkeit.
Konzentriere wat m`r will, öm Joddes Wille nit zo vill.
Dann de Sehne dehne, ne Koote für de Vene
jetz bejinnt dat Spill.
Hartz 1, Hartz 2, Hartz 3, Hartz 4
wat dummer nit all dofür.

Noh bovve luure, Häng an de Uhre, höppe op d`r Stell
em Seitjalopp de Thek entlang, schön langsam nit zo schnell.
De Luff anhalde, Nas zohalde, em Jleichschritt op d`r Klo
Su ähnlich wie die Aape bei uns em Kölner Zoo ( 2 x )
Dann mache mer eets ens e Päusje un hole widder Luff..

Refrain:
Nä, wat deit dat joot, do laach et Hätz, do jrins die Fott
Songtextemaach doch einfach met wä weiss wie lang dat he noch doot.
Wä dat nit kennt jo dä wed krank un bliet allein
3 x kräftig hoch auf unseren Thekenturnverein.

Leistungswillig un aktiv, immer locker nit esu stief.
Immer fründlich laache un e Wetzje maache
nix jeiht üvver Fründlichkeit..
Arbeitsamp mir sin bereit, erlöse uns von unserem Leid
Noch eimol an`ner Stechuhr lecke, do kanns de uns Naaks für wecke,
bes en alle Iwigkeit .
Hartz 1, Hartz 2, Hartz 3, Hartz 4,
wat dummer nit all dofür.

Nä, wat deit dat joot, do laach et Hätz, do jrins die Fott...

3 x locker öm dä Hocker, dat op einem Bein,
links eröm un rääts eröm, do freut sich jroß un klein.
D`r Buch entrecke, Hüfte schwinge, tralalalala
Su maachen se et en China un och en USA
Su maachen se et och em Vatikan, un och en Afrika.
Dann mache mer widder e Päusje un hole widder Luff.
Nä, wat deit dat joot, do laach et Hätz, do jrins die Fott...
Nä, wat deit dat joot, do laach et Hätz, do jrins die Fott...